დონორი - გაერთიანებული ერების განვითარების პროგრამა (UNDP); ევროკავშირი (EU)

ხანგრძლივობა: 11 მაისი, 2012 - 30 ნოემბერი, 2012

პროექტის მიზნები:

• წინასაარჩევნო პერიოდში სამოქალაქო ორგანიზაციის მიერ მედიაზე მეთვალყურეობის ფუნქციის გაზრდა;
• ბეჭდვითი მედიის მიერ საარჩევნო თემის გაშუქების რაოდენობრივი და თვისებრივი ანალიზი;
• საარჩევნო თემის გაშუქების დროს გამოვლენილი ტენდენციების შეფასება;
• მონიტორინგის შედეგების მედიისა და საზოგადოებისთვის გაცნობა;

პროექტის აღწერა: პროექტის ფარგლებში "სამართლიანი არჩევნები" გეგმავს

• განახორციელოს 10 ქართული გამოცემის მონიტორინგი, რა დროსაც დააკვირდება საარჩევნო თემასთან დაკავშირებული სუბიექტების გაშუქებას.
• მასალის რეგულარულ ანალიზს რაოდენობრივი და თვისებრივი მეთოდოლოგიით, რომელიც შემუშავებულია მსოფლიოში წამყვანი მედია მონიტორინგის ორგანიზაციების მიერ.
• წარმოადგინოს შუალედური და საბოლოო ანგარიშები, რომელთა საზოგადოებისთვის გაცნობა და საჯარო განხილვა მოხდება "საზოგადოებრივი მაუწყებლის პირველი არხის" პირდაპირ ეთერში.

დონორი - ფონდი "ღია საზოგადოება - საქართველო" (OSGF)

ხანგრძლივობა: სექტემბერი, 2011 - სექტემბერი, 2012

მიზანი: ადგილობრივი თვითმმართველი ორგანოების მონიტორინგისა დაკონტროლის კუთხით მოქალაქეთა და ადგილობრივი სათემო ორგანიზაციების უნარ-ჩვევების გაზრდა.

საქმიანობები:
პროექტი ხორციელდება საქართველოს 2 რეგიონის (სამეგრელო-ზემო სვანეთი, რაჭა ლეჩხუმი - ქვემო სვანეთი) 11 მუნიციპალიტეტში, ესენია: სენაკი, აბაშა, მარტვილი, წალენჯიხა, ჩხოროწყუ, ხობი, ზუგდიდი, მესტია, ამბროლაური, ცაგერი, ლენტეხი.

• მოქალაქეთა ტრენინგები თემაზე-ლიდერობა/აქტიური მოქალაქეობა, ადვოკაცია , ადგილობრივი თვითმმართველი ორგანოების საქმიაობების მონიტორინგი
• სასწავლო ტურები
• ადგილობრივი თვითმმართველი ორგანოების წარმომადგენელთა ტრენინგები თემაზე- ურთიერთთანამშრომლობის მექანიზმები სამოქალაქო საზოგადოებასა და თვითმმართველ ორგანოებს შორის
• ადგილობრივი თვითმმართველი ორგანოების საქმიანობების მონიტორინგი- საჯარო ინფორმაციის ხელმისაწვდომობა, სხდომების საჯაროობა, საბიუჯეტო პროცესი
• საადვოკაციო შეხვედრები
• პრეს-კონფერენციები
• პროექტის შემაჯამებელი კონფერენცია

დონორი - ფონდი \

პარტნიორი ორგანიზაცია: სტუდია "რე"

ხანგრძლივობა: 21 ნოემბერი, 2011 - 21 მაისი, 2012

საქმიანობები:

• საზოგადოების ცნობიერების ამაღლების მიზნით, სტუდია "რე"-სთან ერთობლივად განხორციელდა საინფორმაციო კამპანია;
• ჩატარდა 19 შეხვედრა ადგილობრივი თვითმმართველობის, პოლიტიკური პარტიების, არასამთავრობო ორგანიზაციების, მედიის წარმომადგენლებსა და მოქალაქეებთან მრგვალი მაგიდის ფორმატში. სულ მონაწილეობა მიიღო 400 - მდე ადამიანმა. შეხვედრებზე სადისკუსიო თემას წარმოადგენდა 2011 წლის 27 დეკემბერს საქართველოს პარლამენტის მიერ საარჩევნო კოდექსში შეტანილი ცვლილებები, ცვლილებები სისხლის სამართლის კოდექსში, საქართველოს ორგანულ კანონში "პოლიტიკურ გაერთიანებათა შესახებ", ასევე კამპანია "ეს შენ გეხებას" მიღწეული შედეგები, რაც აისახა კანონში შესული ცვლილებით

დონორი - ფონდი ღია საზოგადოება საქართველო

პროექტის ხანგრძლივობა:21 ნოემბერი, 2011 – 21 მაისი, 2012

• საქართველოში საარჩევნო კულტურის ამაღლება მიმდინარე საარჩევნო პროცესებთან დაკავშირებით ამომრჩეველა ცნობიერების გაზრდის გზით;
• სამოქალაქო საზოგადოების განვითარება და სამოქალაქო აქტიურობის ხელშეწყობა, რაც თავის მხრივ ხელს შეუწყობს საქართველოში დემოკრატიული პროცესების განვითარებას.
• საარჩევნო თემის გაშუქების დროს გამოვლენილი ტენდენციების შეფასება;

კამპანიის პირველ მიმართულებას წარმოადგენდა სატელევიზიო ტელე-დისკუსიების ჩატარება საარჩევნო თემებზე „სტუდია რე“ -სთან თანამშრომლობით. შემდეგი საქმიანობა ეხებოდა მრგვალი მაგიდების ორგანიზებას აქტუალურ საარჩევნო თემატიკაზე, რაც ასევე მიმართულია საზოგადოების განათლების ამაღლებისკენ. პროექტის ფარგლებში „სამართლიანმა არჩვნებმა“ უზრუნველყო 30 მრგვალი მაგიდის ფორმატის შეხვედრის გამართვა ქვეყნის მასშტაბით.

დონორი - გაერთიანებული ერების განვითარების პროგრამა (UNDP); ევროკავშირი (EU)

პროექტის ხანგრძლივობა:30 მაისი, 2011 – 31 დეკემბერი, 2011

• სამოქალაქო ორგანიზაციის მიერ მედიაზე მეთვალყურეობის ფუნქციის გაზრდა და ამისათვის მედია მონიტორინგის გამოცდილების შეძენა;
• ნაციონალური და თბილისის მასშტაბით მაუწყებელი ტელეკომპანიების მიერ საარჩევნო თემის გაშუქების რაოდენობრივი და თვისებრივი ანალიზი;
• საარჩევნო თემის გაშუქების დროს გამოვლენილი ტენდენციების შეფასება;
• მონიტორინგის შედეგების მედიისა და საზოგადოებისთვის გაცნობა;

პროექტის აღწერა: პროექტის ფარგლებში "სამართლიანმა არჩევნებმა" :

• განახორციელა 6 ქართული ტელეარხის 18:00-00:00 დროის მონაკვეთში საინფორმაციო გამოშვებებსა და თოქ-შოუებში საარჩევნო თემის გაშუქების რაოდენობრივი და თვისებრივი ანალიზი მსოფლიოში წამყვანი მედია მონიტორინგის ორგანიზაციების მიერ შემუშავებული მეთოდოლოგიით. (საზოგადოებრივი მაუწყებლის პირველი და მეორე არხები, "მაესტრო", "კავკასია", "რუსთავი 2" და "იმედი"). მონიტორინგი განხორციელდა 3 ეტაპად.
• მოამზადა ორი შუალედური და ერთი ფინალური ანგარიში, სადაც აისახა მონიტორინგის შედეგად გამოვლენილი მთავარი მიგნებები. საბოლოო ანგარიში პროექტში მონაწილე სხვა არასამთავრობო ორგანიზაციების ანგარიშებთან ერთად წიგნად გამოიცა.
• მონიტორინგის შედეგები წარუდგინა ფართო საზოგადოებას 25 აპრილს გამართულ საჯარო შეხვედრაზე.

შედეგების კიდევ ერთი დეტალური განხილვა დაგეგმილია 4 ივნისს "საზოგადოებრივი მაუწყებლის პირველი არხის" ტელეეთერში.

დონორი - ფონდი "ღია საზოგადოება - საქართველო" (OSGF)

პროექტის ხანგრძლივობა:2011 წლის 3 მაისი - 2011 წლის 03 ივლისი

პროექტის მიზანს წარმოადგენდა სამოქალაქო საზოგადოების როლის გაძლიერება თანამონაწილეობრივი დემოკრატიაში აღმოსავლეთ პარტნიორობის ქვეყნებში და გამოცდილების გაზიარების ხელშეწყობა. პროექტი ითვალისწინებდა სხვადასხვა ადგილობრივ და საერთაშორისო არასამთავრობო, სამთავრობო ორგანიზციებსა და მედიის წარმომადგენლებთან შეხვედრას.

დონორი - ევროკომისია (EC)

პროექტის ხანგრძლივობა: 1 ოქტომბერი, 2009 - 1 მარტი, 2011 (18 თვე)

პროექტის მიზნები:

• მოქალაქეთა და ადგილობრივი სათემო ორგანიზაციების უნარჩვევების გაზრდა, ადგილობრივი თვითმმართველი ორგანოების მონიტორინგისა და კონტროლის კუთხით;
• ადგილობრივი თვითმმართველი ორგანოების გამჭვირვალობისა და პასუხისმგებლობის უზრუნველყოფა ადგილობრივი პრობლემების მოგვარების პროცესში;
• პოლიტიკური პარტიების/ცალკეული კანდიდატების პასუხისმგებლობის უზრუნველყოფა ადგილობრივ დონეზე არსებული პრობლემებისა და გამოწვევების აღმოფხვრის ან სულ მცირე გაუმჯობესების პროცესში.

პროექტის აღწერა: პროექტის ფარგლებში „სამართლიანი არჩევნები“ განახორციელებს შემდეგ საქმიანობებს:

• ორგანიზებას გაუკეთებს მრგვალ მაგიდებს ფოკუს ჯგუფებისა და ჩართული მხარეების მონაწილეობით, რათა გამოვლენილ იქნას ადგილობრივი პრობლემები. შემდეგ კი ერთობლივად შემუშავდება საუკეთესო გზები, ამ პრობლემების მოსაგვარებლად;
• განახორციელებს აქტიური მოქალაქეებისა და სამოქალაქო ორგანიზაციების ცნობიერებისა და უნარჩვევების ამაღლების კამპანიას;
• ადგილობრივი თვითმმართველობის ორგანოებისა და მათი საქმიანობის მონიტორინგი შემდეგი აქტივობებით: ინფორმაციის თავისუფლების კანონმდბელობის მიხედვით საჯარო ინფორმაციის გამოთხოვა; საკრებულოს (ადგილობრივი თვითმმართველობის წარმომადგენლობითი ორგანო) სხდომებზე დასწრება და მათი საქმიანობებისა და მიღებული გადაწყვეტილებების მონიტორინგი; საკრებულოს ინფორმირება გამოვლენილ პრობლემებთან დაკავშირებით და ამ პრობლემების გადაჭრის გზების შეთავაზება;
• დიალოგის ორგანიზება და შეთანხმების უზრუნველყოფა პოლიტიკურ პარტიებს/ცალკეულ კანდიდატებსა და ადგილობრივ მოსახლეობას შორის იმასთან დაკავშირებით, რომ მათი არჩევის შემთხვევაში პოლიტიკური პარტიები/ცალკე მდგომი კანდიდატები აიღებენ პასუხისმგებლობას არსებული გამოწვევების მოგვარების მხრივ.

დონორი - გაერთიანებული ერების განვითარების პროგრამა (UNDP)

პროექტის ხანგრძლივობა: 1 ოქტომბერი, 2009 – 1 დეკემბერი, 2010 ( 14 თვე)

პროექტის მიზნები:

• ფართომასშტაბიანი საინფორმაციო კამპანიის წარმოება საზოგადოებისათვის, ეთნიკური უმცირესობების ჩათვლით, ზოგადად არჩევნებთან და საარჩევნო პროცედურებთან დაკავშირებით;
• სამოქალაქო საზოგადოების ინფორმირებულობის შენარჩუნება საარჩევნო პრინციპებთან დაკავშირებით, რომელიც ხელს შეუწყობს საარჩევნო წესების უპრო მეტად დაფასებას, შედეგად კი გაზრდის სამოქალაქო ქცევის პასუხისმგებლობას.

პროექტის აღწერა: პროექტის ფარგლებში "სამართლიანი არჩევნები" გეგმავს:

• რესურს ცენტრების გახსნას რეგიონებში (2 რესურს ცენტრი განთავსდება ეთნიკური უმცირესობებით, სომხებითა და აზერბაიჯანლებით, დასახლებულ რეგიონებში), სადაც გაიმართება რეგულარული შეხვედრები ადგილობრივ მოსახლეობის ჩართულობით, საარჩევნო საკითხებთან დაკავშირებით;
• ახალგაზრდული ჯგუფების შექმნას (ახალგაზრდები სამართლიანი არჩევნებისთვის) - თითოეულ რესურს ცენტრში წარმოდგენილი იქნება 15-20 ახალგაზრდა, რომლებიც ხელს შეუწყობენენ როგორც თავიანთი თანატოლების, ასევე თემის სხვა წევრების ცნობიერების ამაღლებასა და მათ ჩართულობას საარჩევნო პროცესებში. ახალგაზრდები ასევე ჩართულები იქნებიან პროექტით გათვალისწინებულ სხვადასხვა აქტივობებში, როგორებიცაა: ავტო-ტურები, საჯარო სტენდები, საჯარო შეხვედრები, საინფორმაციო ლიფლეტებისა და ბროშურების გავრცელება;
• ავტო-ტურების ორგანიზებას, რომლებიც გაიმართება ღია ცის ქვეშ და რომლებსაც დაესწრებიან სამოქალაქო საზოგადოების წარმომადგენლები. ავტო-ტურები იქნება ინტერაქტიული ხასიათის, რომლის მეშვეობითაც საზოგადოებას მიეწოდება ინფორმაცია საარჩევნო კანონმდებლობის, საარჩევნო ადმინისტრაციის, არჩევნების დღის პროცედურების, ადგილობრივი თვითმმართველობის არჩევნებისა და არჩევნებში მონაწილების მნიშვნელობაზე. ავტო-ტურების მონაწილეები გაავრცელებენ სპეციალურად დამზადებულ ლიფლეტებსა და ბროშურებს;
• საჯარო სტენდების ორგანიზებას საქართველოს ყველა საარჩევნო ოლქში, რომლის მეშვეობითაც ორგანიზაცია მოსახლეობას მიაწვდის ამომწურავ ინფორმაციას საარჩევნო კანონმდებლობის, საარჩევნო ადმინისტრაციის, არჩევნების დღის პროცედურების, ადგილობრივი თვითმმართველობის არჩევნების, არჩევნებში მონაწილებისა და ამომრჩეველთა სიების შესახებ;
• რეგულარული ტელე და რადიო თოკ-შოუების გამართვას რეგიონალურ მაუწყებლობებში, რომლებშიც მონაწილეობას მიიღებენ „სამართლიანი არჩევნების“ ცენტრალური და რეგიონალური ოფისების წარმომადგენლები, საარჩევნო ადმინისტრაციისა და სამოქალაქო ორგანიზაციების წარმომადგენლები და ისაუბრებენ ისეთ საკითხებზე, როგორებიცაა: საარჩევნო კანონმდებლობა, საარჩევნო ადმინისტრაცია, არჩევნების დღის პროცედურები, არჩევნებში მონაწილების მნიშვნელობა, ამომრჩეველთა სიები. საზოგადოებას მიეცემა საშუალება სატელეფონო ზარის მეშვეობით პიდაპირ ეთერში მიიღონ პასუხი ნებისმიერ არჩევნებთან დაკავშირებულ საკითხებზე;
• საარჩევნო საკითხებთან დაკავშირებული მედია კამპანიის ორგანიზებას. მედია კამპანია მოიცავს შემდეგ აქტივობებს: ა) სპეციალური ფილმის შექმნა არჩევნებსა და არჩევნებში მონაწილეობის მნიშვენელობაზე. ფილმის ჩვენება მოხდება კინოთეატრებსა და ადგილობრივ ტელევიზიებში. ბ) ადგილობრივ ბეჭდვით მედიაში სპეციალური ჩანართების გაკეთება საარჩევნო საკითხებთან დაკავშირები.

დონორი - შავი ზღვის ფონდი

პროექტის ხანგრძლივობა: 1 მაისი 2010 – 31 ივლისი 2010

პროექტის ბიუჯეტი: 24 895.38 აშშ დოლარი

პროექტის მიზნები:

• არჩევნების პროცესში გაყალბების ან/და გაყალბების მცდელობის აღკვეთა/პრევენცია;


• ადგილობრივი თვითმმართველობისა და საქართველოს პარლამენტის შუალედური არჩევნების უფრო თავისუფლად და სამართლიანად ჩატარების ხელშეწყობა;


• იმ ამომრჩეველთა უფრო მეტი ინფორმირება, რომლებმაც იციან არჩევნების ზუსტი შედეგები;


• "სამართლიანი არჩევნების" ხარისხობრივი და რაოდენობრივი მონიტორინგის საფუძველზე, რეკომენდაციების შემუშავება საარჩევნო პროცესების შემდგომი გაუმჯობესებისთვის.

განხორციელებული საქმიანობები:

• "სამართლიანმა არჩევნებმა" შეარჩია, ტრენინგები ჩაუტარა და თითო გრძელვადიანი დამკვირვებელი მიავლინა საქართველოს 25 საოლქო საარჩევნო კომისიაში: # 1 მთაწმინდის, # 2 ვაკის, # 3 საბურთალოს, # 4 კრწანისის, # 5 ისნის, # 6 სამგორის, # 7 ჩუღურეთის, # 8 დიდუბის, # 9 ნაძალადევის, # 10 გლდანის, # 15 ლაგოდეხის, # 17 თელავის, # 20 რუსთავის, # 21 გარდაბნის, # 32 გორის, # 35 ხაშურის, # 37 ახალციხის, # 44 ამბროლაურის, # 54 სამტრედიის, # 59 ქუთაისის, # 62 ჩოხატაურის, # 64 სენაკის, # 70 ფოთის, # 79 ბათუმისა და # 83 ხელვაჩაურის საოლქო საარჩევნო კომისიები.


• არჩევნების შემდგომი პერიოდის განმავლობაში, "სამართლიანი არჩევნების" დამკვირვებლები დააკვირდნენ საოლქო საარჩევნო კომისიის მუშაობის სრულ პროცესს, 31 მაისიდან საოლქო საარჩევნო კომისიების მიერ შემაჯამებელი ოქმის შედგენამდე;


• ორგანიზაციის ერთი დამკვირვებელი წარმოდგენილი იყო საქართველოს ცენტრალურ საარჩევნო კომისიაში, რომელიც დააკვირდა ცესკო-ს საქმიანობებს არჩევნების შემდგომი პერიოდის განმავლობაში.


• საჩივრების განხილვისა და მასზე რეაგირებას ასევე დააკვირდნენ "სამართლიანი არჩევნების" გრძელვადიანი იურისტები, რომლებიც ასევე დაესწრნენ ორგანიზაციის საჩივრების განხილვას სასამართლოებში.


• მონიტორინგის შედეგებზე დაყრდნობით, „სამართლიანმა არჩევნებმა“ შეიმუშავა რეკომენდაციები, საარჩევნო პროცესების შემდგომი განვითარების მიზნით საქართველოში.

დონორი - ფონდი \

პროექტის ხანგრძლივობა: დეკემბერი 2009 - ივნისი 2010.

პროექტის მიზნები:

• ხელი შეუწყოს 2010 ადგილობრივი თვითმართველობის არჩევნების მიმდინარეობის შესახებ ამომრჩევლისა და საერთაშორისო ორგანიზაციების წარმომადგენლების ინფორმირებას საარჩევნო პროცესების შესახებ;
• ორენოვანი (ქართული, ინგლისური) ვებ-პორტალის შექმნას, სადაც განთავსდება ყველა ტიპის არჩევნებთან დაკავშირებული ინფორმაცია კერძოდ: ყველა დონის საარჩევნო ადმინისტრაციის შესახებ, ადმინისტრაციის დაკომპლექტება, წევრები, ადგილმდებარეობები და საკონტაქტო ინფორმაცია, ასევე, „სამართლიანი არჩევნების“ მონიტორინგის ინფორმაცია.

პროექტის აღწერა:

პროექტის მიზნისა და ამოცანების მიღწევის მიზნით "სამართლიანი არჩევნების და დემოკრატიის საერთაშორისო საზოგადოება" გეგმავს შემდგომი საქმიანობების განხორციელებას:

• "სამართლიანი არჩევნების" ცენტრალური და რეგიონალური ოფისების და რაიონული კოორდინატორების მიერ მოხდება ინფორმაციის მოპოვება და ანალიზი შემდგომი საკითხების შესახებ:
- 2010 წლის ადგილობრივი თვითმართველობის არჩევნებში მონაწილე პოლიტიკური სუბიექტები;
- 2010 წლის ადგილობრივი თვითმართველობის არჩევნებში მონაწილე პოლიტიკური სუბიექტების საარჩევნო პროგრამები;
- 2010 წლის ადგილობრივი თვითმართველობის არჩევნებისთვის გახსნილი საარჩევნო ოლქები და უბნები;
- 2010 წლის ადგილობრივი თვითმართველობის არჩევნებისთვის გახსნილი საარჩევნო ოლქების და უბნების საარჩევნო ადმინისტრაცია (შემადგენლობა);
- 2010 წლის ადგილობრივი თვითმართველობის არჩევნების სადამკვირებლო მონიტორინგის შედეგები (წინასაარჩევნო პერიოდი, არჩევნების დღე და პოსტ-საარჩევნო პერიოდი, საჩივრების შესახებ სრული ინფორმირება ოლქებისა და უბნების შესახებ);
- 2010 წლის ადგილობრივი თვითმართველობის არჩევნების შედეგები (არჩევნებში გამარჯვებული პოლიტიკური პარტიები და მაჟორიტარები).

• მოპოვებული ინფორმაცია განთავსდება ამ მიზნით შექმნილ ვებ-პორტალზე. ვებ-პორტალის შექმნაში მონაწილეობას მიიღებს მაღალკვალიფიციური ექსპერტები და „სამართლიანი არჩევნების“ წარმომადგენლები;
• ვებ-გვერდის პოპულარიზაციის მიზნით „სამართლიანი არჩევნები“ განახორციელებს რიგ საქმიანონებს:

- პრეს-კონფერენციების ორგანიზება ცენტრალური და რეგიონალური მასმედიის საშუალებიბისთვის;
- ინფორმაციის გავრცელება მეილინგ-ლისტის მეშვეობით;
- ინფორმაციის გავრცელება „ სამართლიანი არჩევნების“ ვებ-გვერდის მეშვეობით.

აღსანისნავია, რომ პროექტი გათვლილია გრძელვადიანი გამოყენებისათვის, შესაბამისად პროექტის დასრულების შემდეგ გაგრძელდება ვებ-პორტალის განახლებაზე მუშაობა.